Gazetari Kushtrim Reshtiaj, në emisionin A PLAY në ATV, tha se ftesa nga kombëtarja e Kosovës për Zyben dhe Delloven, edhe pse e vonuar, ka qenë super meritore.
“Unë kam qenë promotor i vazhdueshëm i këtyre futbollistëve me kaq shumë klasë që i ka Kosova dhe specifikisht Ballkani që këta është dashtë gjithsesi të kenë ftesën e Përfaqësueses së Kosovës. Ne që përcjellim futboll që një kohë të gjatë, i kemi pa kualitetet e lojtarëve të Ballkanit dhe disa të tjerëve në disa klube të Kosovës. Nuk janë aspak më të ulëta se ata që po e bartin fanellën e Kosovës. Ftesa për Zybën dhe Dellovën, sado që është e vonuar, është super meritore për shkak se të dy jo vetëm që duhet të jenë brenda reprezentacionit të Kosovës, por që të dy janë edhe në llupën e shumë klubeve jashta kufijve tanë, jo vetëm në rajon, por edhe të disa klubeve evropiane, sepse kualiteti i tyre po shihet nga ndeshja në ndeshje, as më tepër kur po përballen me klube siç janë këto të fortat si Pollsen, Dinamo Zagreb, apo vitin e kaluar që ishte Sllavia e Pragës, Kluzhi i Rumanisë. Ka shumë kualitet në Kosovë, prandaj është dashur që me kohë të ftohen këta futbollistë”, tha Reshtiaj.
Ai komentoi edhe ftesën nga Maqedonia e Veriut për lojarin Edvin Kuç, për të cilin tha se FFK-ja është dashur t’i rrijë gati, pasi që pozita ku luan ky i fundit, në përfaqësuesen e Kosovës është shumë e zbehtë.
“Sa i përket Edvin Kuç, kualitet e tij i kemi parë që një kohë të gjatë të gjithë. Është një futbollistë i rrallë në pozitën ku ai luan. Fatkeqësisht, në përfaqësuesen e Kosovës, pozita ku luan Edvin Kuç, është goxha e zbehtë me kualitet të zbehtë të futbollistëve që e luajnë atë rol, në të shumtën e rasteve është improvizim i trajnerit sepse nuk ka lojtar kyç. Mendoj që është dashtë që FFK-ja t’i rrijë pak gati”, tha Reshtiaj. /atvlive.tv
Për më shumë, shikoni emisionin A PLAY në videon më poshtë:
