Kimi Antonelli pranë historisë, mund të bëhet kampioni më i ri në Formula 1!

Italiani Kimi Antonelli është shumë pranë një suksesi historik në Formula 1.

Piloti 20-vjeçar i Mercedesit kryeson renditjen e përgjithshme me 365 pikë, duke lënë pas bashkëngasësin George Russell dhe pilotin e Ferrarit, Lewis Hamilton.

Antonelli ka mundësinë ta sigurojë titullin e kampionit në Çmimin e Madh të Meksikës.

Për ta arritur këtë objektiv, italianit i mjafton të përfundojë garën në njërën nga nëntë pozitat e para.

Në rast se ia del, Antonelli do të shkruajë historinë e Formula 1, duke u bërë kampioni më i ri në historinë e këtij sporti.

Kështu, ai do të thyente rekordin e legjendës gjermane Sebastian Vettel, i cili fitoi titullin e tij të parë botëror në moshën 23-vjeçare.