Sot janë zhvilluar dy ndeshjet e fundit të xhiros së 25-të në Superligën e Kosovës në futboll ku u ballafaquan Feronikeli me Dritën dhe Prishtina me Dukagjinin.
Drita shënoi fitore minimale 1-0 ndaj Feronikelit për të arkëtuar tri pikë jashtëzakonisht të rëndësishme në luftën e tyre për titullin e kampionit. Golin e veyëm të kësaj ndeshje e realizoi Ovokua në minutën e 79’ të ndeshjes, raporton KosovaPress.
Në sfidën tjetër, Prishtina ka triumfuar me goleadë ndaj Dukagjinit të cilin e ka mposhtur me rezultat të thellë 5-0. Për skuadrën bardh e kaltër golat i realizuan, Pefqeli (2), Hamiti (2) dhe limani.
Pas xhiros së 25-të, Ballkani mbetet lider i tabelës me 51 pikë, i ndjekur nga Llapi me 50 dhe Drita si e treta me 49.
Kjo është renditja e plotë tabelare:
Ballkani 51 pikë
Llapi 50
Drita 49
Malisheva 44
Prishtina 37
Dukagjini 31
Feronikeoi 26
Gjilani 25
Fushë Kosova 19
Liria 10
