Sonte me fillim nga ora 21:00 do të zhvillohet ndeshja e kthimit e fazës së çerekfinales së Ligës së Kampionëve mes Manchester Cityt dhe Real Madridit.
Ndeshja e sotme do të zhvillohet në stadiumin “Etihad”, ndërsa e kaluara që u luajt në “Santiago Bernabeu” përfundoi me rezultat të barabartë 3:3, raporton KosovaPress.
Të dy skuadrat do të luftojnë sonte me gjithçka që kanë për ta prekur gjysmëfinalen e kësaj gare, por çfarë rekordi të rezultateve ka Reali si mysafir në “Etihad”?
Reali është përballuar pesë herë me Cityn si mysafir në Ligën e Kampionëve, ku asnjëherë nuk e ka shijuar fitoren në tokën angleze kundër kampionit aktual evropian.
Reali ka dy barazimi dhe tri humbje në “Etihad”, ndërsa ka arritur ta gjejë golin pesë herë, ndërsa ka pranuar plot 11 gola.