Real Madridi shpreh ngushëllime pas aksidentit tragjik hekurudhor në Spanjë
Real Madridi ka reaguar zyrtarisht pas aksidentit të rëndë hekurudhor në provincën e Toledos, në Spanjë, ku raportohet për viktima dhe persona të lënduar.
Përmes një komunikate zyrtare, klubi madrilen ka shprehur tronditjen dhe dhimbjen për këtë tragjedi, duke u solidarizuar me familjet e viktimave dhe të gjithë personat e prekur nga aksidenti.
Reklamë
“Real Madrid CF dëshiron të shprehë tronditjen e tij më të thellë për aksidentin tragjik hekurudhor që ndodhi në provincën e Toledos”, thuhet në deklaratën e klubit.
Gjiganti spanjoll u ka shprehur ngushëllimet më të sinqerta familjarëve dhe të afërmve të personave që humbën jetën, ndërsa të lënduarve u ka përcjellë mesazhe mbështetjeje në këto momente të vështira.
Në reagimin e tij, Real Madridi ka vlerësuar gjithashtu punën e ekipeve të emergjencës dhe të gjithë personelit të angazhuar në operacionet e shpëtimit, të cilët po përballen me pasojat e kësaj ngjarjeje tragjike.
Klubi mbretëror ka shprehur solidaritetin e plotë me të gjithë të prekurit, duke ndarë dhimbjen me familjet që kanë humbur të dashurit e tyre në këtë aksident.
Reklamë
