Real Madridi has pengesa në merkato – Schlotterbeck drejt rinovimit me Dortmundin
Real Madridi ka pësuar një tjetër goditje në afatin kalimtar, pasi objektivi i tyre në mbrojtje, Nico Schlotterbeck, është shumë pranë rinovimit të kontratës me Borussia Dortmundin.
Qendërmbrojtësi gjerman ishte pjesë e planeve të klubit madrilen për të përforcuar repartin defensiv, por sipas raportimeve të fundit, ai pritet të angazhohet me Dortmundin deri në vitin 2031. Oferta e re parashikon një rritje të ndjeshme të pagës së tij, duke e bërë edhe më të vështirë një transferim të mundshëm drejt “Santiago Bernabeu”, sidomos nga ana financiare.
Reklamë
Agjenti i Schlotterbeck ka tentuar të qetësojë spekulimet rreth largimit, duke theksuar se lojtari pritet të qëndrojë dhe të shndërrohet në një figurë kyçe për të ardhmen e klubit gjerman.
Ky zhvillim përbën një tjetër pengesë për Real Madridin, i cili po has vështirësi në realizimin e objektivave të tij në merkato. Edhe pista të tjera duket se po mbyllen, si në rastin e Dayot Upamecano, i cili pritet të vazhdojë qëndrimin te Bayern Munich.
Në këto rrethana, “Los Blancos” pritet të zhvendosin fokusin drejt alternativave të tjera, ku ndër emrat që po qarkullojnë nuk përjashtohet edhe Ibrahima Konaté i Liverpoolit.
Reklamë
