Departamenti për Siguri dhe Rend Publik i misionit të OSBE-së në Kosovë ndau mirënjohje për autorin e emisionit “N’Frekuencë me Robin” të ATV-së, Robert Bojaj, për raportimin dedikuar heroit Afrim Bunjaku dhe familjes së tij, referuar zbulimit të “stolit përkujtues” në nderim të rreshterit në Akademinë e Kosovës për Siguri Publike, në Vushtrri.
“Ishte transmetimi juaj, fjalët tuaja të mira, shpirti juaj që media është zëri i njerëzve për të gjithë njerëzit, në ngjarjen që i dha më shumë jetë zbulimit të stolit dhe respektit”, thuhet mes tjerash në mirënjohjen e nënshkruar nga drejtori i departamentit, Edward Thomas Anderson.
Në mirënjohje, po ashtu, përmendet rëndësia e simbolikës së stolit në akademi, si një ulëse e cila do të shërbejë për kujtuar ata që, pavarësisht kushteve e rrethanave, sakrifikuan në detyrë me qëllimin që të tjerët të ndihen të sigurt.