Njohësi i çështjeve politike, Shqiprim Pula, në emisionin A23 në ATV, tha Serbia nuk është sanksionuar për moszbatimin e marrëveshjeve me Kosovën, për shkak se e ka marrë primatin si një shtet i cili mund të dëmtojë rendin ndërkombëtarë në Ballkanin Perëndimor.
“Çështja është se Serbia ka marrë primatin e një shteti i cili mund të dëmtojë rendin ndërkombëtarë në Ballkanin Perëndimor, normativën e të drejtës ndërkombëtare për sa i takon ndërhyrjeve në shteteve të tjera, siç është rasti me ndërhyrje në Bosnjë-Hercegovinë, në Mal të Zi apo edhe në Kosovë, diçka edhe në Maqedoninë e Veriut. Pra, Serbia është parë si një shtet problematik që në çdo kohë mund të prodhojë rreziqe për rajonin”, tha Pula.
Ai tha po të ndodhnin sanksionimet e bashkësisë ndërkombëtare ndaj Serbisë, ato do të mund të ishin të ndryshme, qoftë përmes fondeve të BE-së apo edhe përmes sanksioneve politike.
“Do duhej të sanksionohej Serbia dhe sanksionimet mund të jenë nga më të ndryshmet qoftë për sa i takon fondeve të Unionit Evropian që i jepen shteteve të cilat kanë marrë statusin e vendit kandidat që kanë filluar negociatat e kapitujve, qoftë edhe atyre të cilat janë më mbrapa siç është rasti i Kosovës, Bosnjë-Hercegovinës, Shqipërisë e kështu më radhë sepse shtetet e Ballkanit Perëndimor nuk janë në të njëjtin stad në procesin e integrimit. Qoftë përmes sanksioneve të tjera politike që mund të jenë sepse ka instrumente të mjaftueshme për ta sanksionuar një shtet që nuk i bindet zbatueshmërisë së dakordimeve”, tha Pula. /atvlive.tv
Emisionin e plotë e gjeni në videon më poshtë:
