Publikohen pamjet, momenti kur terroristët futen të armatosur në kompaninë e hapësirës ajrore në Ankara

Një sulm ka goditur selinë e kompanisë turke të hapësirës ajrore dhe mbrojtjes Tusas pasditen e sotme (23 tetor 2024), 50 kilometra larg kryeqytetit Ankara.

Ka të paktën 10 të vdekur dhe të plagosur, dhe sulmi është ende në zhvillim. Ministri i Brendshëm turk, Ali Yerlikaya, e quajti këtë një sulm terrorist pa dhënë detaje të mëtejshme.

Televizioni “HaberTurk” ka raportuar se shpërthimi mund të jetë shkaktuar nga një sulmues vetëvrasës. Mediat raportuan se një shpërthim i ndjekur nga të shtëna është dëgjuar në kompleks.

Forcat e sigurisë, ambulancat dhe zjarrfikësit janë dërguar në vendngjarje, raportoi televizioni NTV. Punonjësit e kompanisë janë zhvendosur në një zonë të sigurt, sipas HaberTurk.