Lëvizja Feministe Studentore edhe sot po e vazhdon protestën për ngacmimet në Universitetin e Prishtinës në të njëjtën kohë kur do të mblidhet Këshilli i Etikës së UP-së.
Anëtarja e Lëvizjes Feministe Studentore, Blenda Asllani, tha se nëse sot nuk merret një vendim për profesorin Xhevat Krasniqin, për të cilin studentët kanë bërë denoncim 27 herë për ngacmim seksual, atëherë studentët do të bllokojnë dyert dhe nuk do t’i lejojnë të dalin jashtë derisa ky i fundit të largohet nga puna.
