Prokuroria inicion rast për keqpërdorim të votimit, sekuestrohet një fletëvotim

Prokuroria e Shtetit ka konfirmuar se ka iniciuar rastin “keqpërdorimi i të drejtës së votimit”, në bazë të nenit 213 të Kodit Penal të Republikës së Kosovës.

Në përgjigje për Dukagjinin, Prokuroria ka bërë të ditur se me urdhër të Prokurorit të Shtetit është sekuestruar edhe një fletëvotim, për të cilin dyshohet se është i përfshirë në veprën penale të keqpërdorimit të së drejtës së votimit.

Sipas Prokurorisë, në koordinim me Policinë e Kosovës, po ndërmerren të gjitha veprimet e nevojshme hetimore lidhur me rastin.