Java e tretë e Pro Credit Superligës së Kosovës në basketboll zbret në parket këtë fundjavë, me katër ndeshje që sjellin duele interesante.
Xhiroja hapet të shtunën në Prizren, ku Bashkimi pret Trepçën në palestrën “Sezai Surroi”, në një përballje mes dy skuadrave që e njohin mirë rivalitetin. Bashkimi vjen pas dy fitoreve në kampionat dhe pas triumfit ndaj Trepçës në Superkupë.
Në anën tjetër mitrovicasit synojnë që t’iu hakmerren prizrenasve për këtë humbje në finale të Superkupës,dhe poashtu të kthehen tek fitorja në ligë pas humbjes ndaj GO+Pejës xhiron e kaluar.
Të dielën, Sigal Prishtina përballet me Golden Eagle Yllin ku synon fitoren e rradhës kurse suharekasit kërkojnë fitoren e parë të sezonit, ndërsa në mbrëmje Peja pret Vëllaznimin në “Karagaçi”. Peja hyn në këtë sfidë pas fitores ndaj Trepçës, ndërsa Vëllaznimi kërkon fitoren e parë të sezonit.
Në fund xhiroja e tretë përmbyllet me ndeshjen Bora-Rahoveci 029,ku ekipi i Boras e nisi mjaft mirë këtë sezon me dy fitore teksa vreshtarët do të tentojnë fitoren e parë në Procredit Superligë.
