Pas raportimit të ATV-së se një pjesë e fasadës në një objekt kolektiv banesor në afërsi të shkollës fillore të mesme të ulët ‘’Mihal Grameno’’, në Fushë Kosovë, rrezikonte nxënësit, e njëjta është larguar, duke shmangur kështu rrezikun dhe frikën që prindërit kishin.
‘’Po normal që është shqetësuese edhe unë këtu pak me parë duke e prit vajzën tem prej shkollës me shkun sytë dhe e pash në këtë objekt është pjesë e kësaj ndërtese që mund ta rrezikoj çdo fëmijë edhe tash masi ndodhin këto ne tash e shohum atë vuajtjet tona, mërzitë tona’’.
‘’Po katastrofë zojë, gjithçka është, inspeksioni është përgjegjës, normale duhet mu rregullu ku nuk është në rregull po e djalit është, jemi të frikësum por kujt me ju drejtu sepse pushtetarët s’po kanë kohë me u marrë me këtë gjana’’
‘’Këtu frikësohemi sepse kalojnë fëmijët këndej e kalojnë edhe të mëdhenjtë, kisha thënë me marrë masa me rregullu këtë çështje ose me mbyll këtë rrugë mos me kalu askush kësajde’’, patën deklaruar për ATV-në, prindërit e nxënësve të SHFMU “Mihal Grameno”.
Kujtojmë se si pasojë e shembjes se një objekti të vjetër dhe të braktisur gjashtë ditë më parë në Jabllanicë të Gjakovës, kanë vdekur tre të rijnë.
