Në dyvjetorin e sulmit terrorist në Banjskë, presidentja Vjosa Osmani ka kujtuar heroin Afrim Bunjaku.
Përmes një postimi në rrjetet sociale, ajo deklaroi se sakrifica e rreshterit të policisë dëshmon se liria kërkon sakrificë.
Sipas Presidentes, 24 shtatori dëshmon se asnjë sulm terrorist apo agresion nga Serbia nuk mund ta ndalë të vërtetën.
Ajo shtoi se Afrim Bunjaku ra heroikisht duke mbrojtur lirinë dhe dinjitetin e Republikës së Kosovës, përballë grupeve të armatosura serbe.
