Një person gjendet pa shenja jete në rrugë në Mitrovicën e Jugut

Një person është gjetur i alivanosur në rrugën “Agim Ramadani” në Mitrovicën e Jugut, të enjten në mëngjes.

Sipas raportit 24-orësh të Policisë së Kosovës, rasti është raportuar rreth orës 09:42, më 29 tetor 2026.

Viktima, mashkull kosovar, është transportuar në Spitalin Rajonal, ku mjeku kujdestar ka konstatuar vdekjen e tij.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion.

Rasti është iniciuar si “Hetim mbi vdekjen”.