Kalo te përmbajtja
Të fundit

NBA: Lakers ndalen nga Jazz, Philadelphia vazhdon serinë e fitoreve, ndërsa Celtics pësojnë humbje

Nga Gazetar i verifikuar i ATV

Shto ATV në Google(hapet në dritare të re)

Ndaj

Ndani këtë artikull përmes

Ose kopjo linkun

NBA: Lakers ndalen nga Jazz, Philadelphia vazhdon serinë e fitoreve, ndërsa Celtics pësojnë humbje

Ndeshjet në elitën e basketbollit amerikan, NBA, kanë sjellë mjaft befasi dhe përballje interesante.

Los Angeles Lakers ka ndërprerë serinë prej nëntë fitoreve radhazi, pas humbjes së pësuar nga Utah Jazz me rezultat 109-97.

Reklamë

Keyonte George udhëhoqi skuadrën e tij drejt fitores me 30 pikë dhe 10 asistime, derisa Ace Bailey shtoi 19 pikë dhe tetë kërcime.

Nga ana tjetër, dyshja Luka Doncic dhe Quentin Grimes realizuan së bashku 49 pikë, por që nuk mjaftuan për fitore.

Kujtojmë se Lakers vazhdojnë të jenë liderë të Konferencës së Perëndimit, derisa Jazz pozicionohet në vendin e 14-të.

Kur jemi te liderët, Philadelphia 76ers, kryesues i Konferencës së Lindjes, ka shënuar fitoren e katërt radhazi pas triumfit ndaj Orlando Magic me shifrat 121-116.

Më meritorët në fitoren e skuadrës nga Philadelphia ishin Joel Embiid me 26 pikë, V. J. Edgecombe me 24 pikë dhe LeBron James me 22 sosh.

Te skuadra humbëse, paraqitje të mirë pati Franz Wagner me 27 pikë, tetë kërcime dhe 11 asistime.

Boston Celtics ka pësuar humbjen e dytë radhazi, pasi kësaj radhe u mposht nga Denver Nuggets me rezultat 105-101.

Nikola Jokic shkëlqeu në këtë ndeshje me 24 pikë, tetë kërcime dhe nëntë asistime, derisa Jamal Murray kontribuoi me 21 pikë dhe shtatë kërcime në fitoren e skuadrës së tij.

Nga ana tjetër, Jayson Tatum, si gjithmonë, ishte më efikasi për skuadrën e tij me 24 pikë dhe tetë kërcime, por që nuk mjaftuan për ta evituar humbjen.

Kujtojmë se Nuggets renditen në vendin e shtatë në Konferencën e Perëndimit, derisa Celtics pozicionohet në vendin e dytë në Lindje.

Reklamë