Pas fitores 4-3 (6-4 në total) të Bayern Munich ndaj Real Madridit, që solli eliminimin e “Los Blancos” nga Liga e Kampionëve në fazën çerekfinale, kanë dalë pamje të papublikuara më parë që tregojnë një përplasje mes dy lojtarëve të skuadrës madrilene dhe situata nuk duket aspak e mirë.
Të mërkurën, Reali udhëtoi drejt “Allianz Arena” me një disavantazh prej një goli, por rezultati i përgjithshëm u barazua shumë shpejt nga Arda Guler, i cili përfitoi nga një gabim në pasim i Manuel Neuer që në minutën e parë.
Në një ndeshje jashtëzakonisht të luftuar, Aleksandar Pavlovic shënoi me kokë për të barazuar rezultatin e ndeshjes dhe për të kaluar Bayernin në avantazh në total vetëm pesë minuta më vonë. Më pas, një goditje dënimi perfekte nga Guler e çoi rezultatin në 2-1 (3-3 në total) për Realin rreth minutës së 30-të.
Por kapiteni i Anglisë, Harry Kane, realizoi golin e tij të 50-të të sezonit në minutën e 38-të, duke rikthyer sërish Bayernin në kontroll të përballjes.
Në minutën e 42-të, Vinicius Junior asistoi për Kylian Mbappe, i cili shënoi nga afër për të barazuar shifrat në total 4-4 para pushimit.
Kur ndeshja po shkonte drejt kohës shtesë, ish-lojtari i Liverpoolit, Luis Diaz, realizoi një goditje të fuqishme me të djathtën në minutën e 89-të, duke i dhënë Bayernit avantazhin 5-4 në total.
Ky gol erdhi vetëm pak minuta pasi Eduardo Camavinga u ndëshkua me kartonin e dytë të verdhë, duke lënë Realin me 10 lojtarë në fushë.
🇧🇷🇬🇧🚨 "¿QUÉ QUIERES?, CÁLLATE LA BOCA": El llorón y mala leche de Vinícius se peleó con Bellingham en mitad del partido porque el británico le recriminó que no suelta la pelota. https://t.co/jRuUrG11FR pic.twitter.com/xTiXLjM0SX
— Derechazo (@derechazoar) April 15, 2026
Megjithatë, pas ndeshjes kanë dalë edhe pamje që sugjerojnë një përçarje brenda skuadrës së Real Madridit. Një video e publikuar online tregon Jude Bellingham dhe Vinicius Jr duke bërë gjeste të ashpra ndaj njëri-tjetrit.
Sipas mediumit spanjoll MARCA, braziliani është drejtuar anglezit me fjalët: “Çfarë do? Mbylle gojën”, si reagim ndaj ankesave të këtij të fundit.
Sipas të dhënave të UEFA-s, Vinicius nuk arriti të kompletojë asnjë pasim drejt Bellingham gjatë ndeshjes, ndërsa ish-lojtari i Dortmundit arriti ta gjejë sulmuesin katër herë me pasime.
