Ministria e Drejtësisë ka bërë të ditur se nga fillimi i procesit gjyqësor në Hagë e deri më sot, janë realizuar pagesa të rregullta për mbrojtjen juridike të të akuzuarve nga Dhomat e Specializuara.
Sipas njoftimit, deri më tani janë paguar gjithsej 32.9 milionë euro, ndërsa mbi 5.3 milionë prej tyre janë shpenzuar për mbrojtjen e ish-presidentit Hashim Thaçi.
Këto pagesa janë kryer në përputhje me ligjet në fuqi dhe marrëveshjet e miratuara paraprakisht nga institucionet përkatëse.
Ministria thekson se përkrahja financiare do të vazhdojë në mënyrë transparente dhe të rregullt, sipas udhëzimeve ligjore.
Mbështetja përfshin të gjitha shpenzimet që lidhen me punën e ekipeve mbrojtëse, bazuar në tarifat e përcaktuara nga Oda e Avokatëve të Kosovës, si dhe në praktikat e aplikueshme në vendet të tjera të përfshira në këtë proces.
