Malisheva dhe Dukagjini ndajnë pikët në ndeshjen e vetme të së shtunës në Albi Mall Superligë

Malisheva nuk ka arritur më shumë se një barazim pa gola 0:0 kundër Dukagjinit,në ndeshjen e vlefshme të xhiros së 21-të të Albi Mall Superligës së Kosovës në futboll.

Pjesa e parë u karakterizua me lojë të barabartë dhe me disa raste,por asnjëra apo skuadra tjetër nuk arritën që të tundin rrjetën pas 45 minutave të para.

Në pjesën e dytë të dyja ekipet u hodhën në sulm për të gjetur golin e cila do t’ia siguronte njërës skuadër 3 pikë,por në fund u pajtuan që t’i ndajnë pikët duke barazuar pa gola 0:0.

Pas këtij barazimi Malisheva grumbullon 34 pikë,teksa Dukagjini tubon 32 pikë pas 21 xhirove.

Në xhiron e ardhshme Malisheva luan në udhëtim tek Gjilani,teksa Dukagjini e pret skuadrën e Ferizajt.