​Llapi i fortë për Phoenix, Malisheva nuk gabon kundër Kikës

Kanë përfunduar dy ndeshjet e sotme të Kupës së Kosovës, të vlefshme këto për fazën e 1/16-ës së kësaj gare.

Pas plot 90’ minutave lojë të zhvilluara në stadiumin “Zahir Pajaziti”, Llapi e ka mposhtur 4:1 skuadrën e Phoenix, raporton KosovaPress.

Golat për Llapin i shënuan Hamdi Namani (minuta e 29’), Elvir Gashijan (minuta e 66’), Arbnor Ramadani (minuta e 80’) dhe Mërfim Cërnavërni (minuta e 84’), kurse golin e nderit te Phoenix e realizoi Enis Miranaj (minuta e 85’).

Ndërkaq, krahas kësaj ndeshje u zhvillua edhe përballja tjetër e raundit të dytë të këtyre kualifikimeve, ku Malisheva e mposhti 3:2 skuadrën e Kikës.

Me fitoret e sotme, Llapi e Malisheva kalojnë në 1/8-ën e Kupës së Kosovës.