Lakers këndellen me fitore, Warriors regjistrojnë triumfin e katërt radhazi në NBA
Mëngjesin e sotëm janë luajtur dy ndeshje në kuadër të ligës më të fortë të basketbollit në botë, NBA.
Los Angeles Lakers janë këndellur me fitore pas triumfit ndaj Toronto Raptors me rezultat 131-125.
Reklamë
Luka Doncic ishte i pandalshëm, duke shënuar plot 45 pikë, 15 kërcime e gjashtë asistime.
Derisa te skuadra humbëse u dalluan RJ Barrett me 22 pikë, 10 kërcime e pesë asistime dhe Jamison Battle me 20 pikë.
Kujtojmë që Lakers renditen në pozitën e katërt në Konferencën e Perëndimit, derisa Raptors në pozitën e pestë në Lindje.
Në ndeshjen tjetër, Golden State Warriors kanë shënuar fitoren e katërt radhazi, pasi mundën Los Angeles Clippers me shifrat 124-112.
Yaxel Lendeborg udhëhoqi skuadrën e tij drejt fitores me 37 pikë, derisa De’Anthony Melton shtoi 21 pikë.
Nga ana tjetër, Rui Hachimura ishte më efikasi me 24 pikë e shtatë kërcime, por që nuk mjaftuan për fitore.
Warriors pozicionohen në vendin e nëntë në tabelën e Perëndimit, derisa Clippers në pozitën e 13-të.
Reklamë
