Kimi Antonelli shkruan historinë në Formula 1, shpallet kampion bote në moshën 20-vjeçare

Kimi Antonelli ka hyrë në historinë e Formula 1, duke u shpallur kampion bote në moshën vetëm 20-vjeçare dhe duke u bërë piloti më i ri që fiton titullin më të madh në këtë sport.

Piloti italian i Mercedesit e siguroi matematikisht titullin e sezonit 2026 në Çmimin e Madh të Meksikës, katër gara para përfundimit të kampionatit, pas një sezoni të jashtëzakonshëm.

Antonelli e përfundoi garën në pozitën e tretë, rezultat që i mjaftoi për të siguruar pikët e nevojshme dhe për të lënë pas të gjithë rivalët në garën për titullin.

Me këtë sukses, italiani theu rekordin e Sebastian Vettel, i cili ishte 23-vjeçar kur fitoi kampionatin e tij të parë në vitin 2010.

Por, ky triumf ka edhe një rëndësi të veçantë për Italinë, pasi Antonelli bëhet kampioni i parë italian në Formula 1 që nga legjenda Alberto Ascari, në vitin 1953.

Dominimi i tij këtë sezon ka qenë mbresëlënës, me nëntë fitore në 19 gara të zhvilluara, duke lënë pas edhe bashkëlojtarin George Russell, i cili në fillim të kampionatit konsiderohej favorit për titull.

Pjekuria dhe talenti i tij janë vlerësuar edhe nga ish-drejtuesi i Haas, Guenther Steiner, i cili theksoi se Antonelli ka tejkaluar të gjitha pritshmëritë.

Kështu, në vetëm sezonin e dytë në Formula 1, Kimi Antonelli arrin atë që shumë pilotë ëndërrojnë gjatë gjithë karrierës: bëhet kampion bote dhe shkruan një kapitull të ri në historinë e këtij sporti.