Granit Begolli do të jetë kryetrajner i Liris për edicionin e ri garues të Ligës së Parë 2024/25. Kështu është bërë e ditur nga klubi prizrenas përmes një njoftimi në faqen zyrtare të skuadrës.
“FC Liria ka kënaqësinë të njoftojë zyrtarizimin e Granit Begollit si trajnerin tonë të ri për sezonin e ardhshëm! Begolli po rikthehet te Liria pas dy sezonesh, duke sjellë me vete përvojën, njohurinë dhe pasionin e tij për futbollin”, thuhet në njoftimin e klubit, përcjellë KosovaPress.
Liria edicionin e kaluar ishte pjesë e Superligës së Kosovës në futboll, por pati një ecuri shumë të dobët të rezultateve dhe u kthye në Ligën e Parë.
