Përgatiti: Pranvera Krasniqi
Për herë të parë pas shumë viteve, Liqeni i Badocit është mbushur gati plotë me ujë.
Aktualisht, duhen vetëm edhe 1.25 metra për ta arritur nivelin e kapërdirjes. Viteve të kaluara, zakonisht uji qëndronte rreth 13 metra më poshtë se kaq.
Sikur këtu, ujë me bollëk ka edhe në Batllavë, prandaj nga Ujësjellësi thonë se nuk do të ketë telash me furnizim gjatë verës.
“Fatmirësisht këtë vit konsiderohet të kemi sasi të mjaftueshme të ujit, krahasim me vitet paraprake…Nuk do të ketë reduktime”, tha drejtoresha e KRU “Prishtina”, Arjeta Mjeku.
Gjeografi Faruk Foniqi thotë se uji i bollshëm do të jetë pozitiv për shumë sfera, por kjo nuk është arsye për përdorim të panevojshëm.
“Natyrisht që do të ketë begatitë e veta, ujë do të ketë ndoshta mjaftueshëm por prapë duhet të shfrytëzohet me arsye…”, tha Foniqi.
Përfitim tjetër, sipas KRU-së, do të jetë zgjerimi i rrjetit të ujësjellësit edhe në disa zona të tjera.
“Do të ketë zgjerim të rrjetin përveç regjionit ku ne e mbulojmë, jemi në fazën e punimeve…”, tha Mjeku.
Për herë të fundit, liqeni i Badovcit ka arritur nivelin maksimal të kapërderdhjes në fund të muajit maj, të vitit 2016.
Më shumë detaje i gjeni në Edicionin Qendror të lajmeve në videon më poshtë:
