Situata në Gaza është shumë problematike. Mediat ndërkombëtare raportojnë se 2.3 milionë njerëz në Gaza nuk kanë ushqim të mjaftueshëm për të mbijetuar.
Ndonëse ka shumë organizata që po përpiqen të sigurojnë ushqime, por gjendja ka kaluar kufijtë e normale. Imazhet të publikuara nga mediat ndërkombëtare tregojnë për fëmijë, të rritur, të moshuar në radhë për të marrë ushqim. Alarmi është ngritur edhe nga mjekët atje që përveçse përballen me sulmet për shkak të luftës së nisur prej vitesh, tashmë lufta me urinë është kthyer në një “betejë” të përditshme.
“Gaza po ndodh uri masive, nivelet e kequshqyerjes kanë kaluar çdo limit. Më shumë se 100 organizata ndihme në një deklaratë të përbashkët ngritën alarmin dhe bënë thirrje për ndërhyrje”.
Ndërkohë Izraeli një ditë më parë tha se 150 kamionë me ndihma u mblodhën nga OKB dhe nga agjenci të tjera brenda Gazës dhe se 800 kamionë të tjerë po presin të shpërndahen.
Por sipas BBC edhe gazetarët e ndodhur atje dhe pasqyrojnë zhvillimet po rrezikojnë të vdesin nga uria.
“Jemi të shqetësuar jashtëzakonisht për gazetarët tanë në Gaza, të cilët janë gjithnjë e më të paaftë të ushqejnë veten dhe familjet e tyre. Për shumë muaj, këta gazetarë të pavarur kanë qenë sytë dhe veshët e botës në terren në Gaza. Ata tani po përballen me të njëjtat rrethana të tmerrshme si ato për të cilat po raportojnë për civilët”, thuhet në deklaratën e BBC.
