Zëdhënësi e KEDS-it, Lulzim Krasniqi, në emisionin e mëngjesit ALARM në ATV, duke folur për planin investiv të KEDS-it, tha se projekti për për linjën e re 60 kilometra në Gjakovë tashmë është në përfundim e sipër.
“Projekti për linjën e re 60 kilometra në Gjakovë, është një projekt që ka filluar së realizuari në vitin 2021 dhe tashmë është në mbarim e sipër. Bëhet fjalë për projektin e daljes së Cermjanit, projekt që është i gjatë më shumë se 60 kilometra linjë të rrjetit elektro energjetik. Tre largpërçuesit, ai i Cermjanit, Erenikut dhe i Becit, që derivojnë nga qendra e Gjakovës, degëzohen në drejtim të Deçanit dhe Klinës për t’u bashkuar në daljen e Cermjanit, e cila përgjatë disa fshatrave vazhdon në një linjë deri në fshatin Krelan”, tregoi Krasniqi.
Ai tha se diku rreth 24 kilometra të linjës me mbi 60km në Ghjakovë, janë rrjet nëntokësor.
“Është projekt mbi 60kilometra i gjatë, ndërsa diku 24 kilometra të këtij rrjeti janë nëntokësore, ku tashmë janë vendosur edhe pusetat dhe së shpejti pritet që të vendosen edhe elementet e tjera të nevojshme. Në këtë linjë tashmë javë vendosur 817 shtylla elektrike të profileve të ndryshme, duke përfshirë edhe përçuesit elektrikë, ndërkaq së shpejti do të vendosen edhe 6 transformatorë sa është paraparë. Ky është një projekt madhor kapital që është duke u zhvilluar në kuadër të planit investiv të KEDS-it. Bëhet fjalë për më shumë se 2400 konsumatorë, ose rreth 10 mijë qytetarë të asaj ane, duke pasur një rrjet të qëndrueshëm dhe furnizim stabil me energji elektrike”, tha Krasniqi. /atvlive.tv
