​Krasniqi do të përballet me xhudisten serbe në 1/8-ën e Kampionatit Evropian të Xhudos

Xhudistja kosovare, Distria Krasniqi do të përballet me xhudisten nga Serbia, Milica Nikoliq në fazën e 1/8 së finales së Kampionatit Evropian të xhudos që po mbahet në Podgoricë të Malit të Zi, raporton KP.

Pasi u kualifikua pa luftë në këtë fazë, Krasniqi ka mësuar rivalen e saj e cila është Milica Nikolic nga Serbia e cila mposhti xhudisten ruse Karina Efimova.

Kjo luftë është në kuadër të kategorisë deri në 52 kilogram.

Kosova në këtë garë do të përfaqësohet nga: Distria Krasniqi (-52kg), Laurine Gashi (-52kg), Akil Gjakova (-73kg) dhe Dardan Cena (-73kg).