25.8 C
Pristina
E hënë, 17 Qershor, 2024

KPK-ja shpall konkurs për Kryeprokuror të Prokurorisë Themelore në Gjakovë

Këshilli Prokurorial i Kosovës (KPK), në takimin e 230-të të mbajtur të martën, ka shpallur konkurs për kryeprokuror të Prokurorisë Themelore në Gjakovë.

Deri tek shpallja e këtij konkursi erdhi pasi ish-kryeprokurori i mëparshëm Ramiz Buzhala ishte degraduar nga KPK-ja dhe i njëjti ishte transferuar si prokuror në Departamentin e Përgjithshëm të Prokurorisë Themelore në Pejë, raporton “Betimi për Drejtësi”.

Vendimin për shqiptimin e kësaj mase disiplinore e kishte konfirmuar edhe Gjykata Supreme, e cila me 10 shkurt 2023 e kishte refuzuar si të pabazuar ankesën e ish-kryeprokurorit Buzhala.

Ndryshe, Buzhala ishte suspenduar nga puna, një ditë pas raportimit se ai kishte dërguar pyetje të testit një kandidati për bashkëpunëtorë profesionalë.

Që nga suspendimi i ish-kryeprokurorit Buzhala me 14 korrik 2022, pozitën e ushtruesit të detyrës së kryeprokurorit e ka ushtruar, prokurori Enis Gashi.

Konkursi do të jetë i hapur nga 1 qershori 2023.

KPK ka themeluar edhe Panelin për Vlerësim në përbërje të Besim Kelmendit, Agron Bekës, Arjan Gashit, Arjana Shajkovcit dhe Jetish Malokut.

Ndërsa, në Komisionin për Rishqyrtim është caktuar kjo përbërje, anëtarja, Merita Bina-Rogova, Ardian Hajdari dhe Veton Shabani, si kryesues i Komisionit për Rishqyrtim.

Klikoni KËTU për t’u bërë pjesë e kanalit zyrtar të ATVLIVE.TV në Viber.

Bëni Subscribe në kanalin zyrtar të ATV-së në YouTube – Kliko KËTU

LAJME TË TJERA

spot_img
spot_img

PUBLIKUAR SË FUNDI

spot_imgspot_img
spot_img

LAJME TË TJERA