Kryetari i Kuvendit të Kosovës, Glauk Konjufca, në shtatëvjetorin e vdekjes së Astrit Deharit, ka thënë se përpjekja për drejtësi nuk do të ndalojë.
Konjufca shtojë se drejtësia për Astritin do ta shënojë fitoren dhe reformimin e shumëpritur të sistemit të drejtësisë.
“Vrasja e tij dëshmoi në mënyrë flagrante masën e padrejtësisë që prodhuan institucionet tona, kurse sistemi ynë i drejtësisë duke e lënë akoma të mbuluar krimin e kobshëm zbulon në mënyrë të përsëritur ngecjen në një të shkuar të errët dhe të dyshimtë. Përpjekja jonë për drejtësi nuk do të ndalojë. Drejtësia për Astritin do ta shënojë fitoren dhe reformimin e shumëpritur të sistemit të drejtësisë”, shkroi ai ndër të tjera.
