Kryetari i Komunës së Vushtrrisë, Ferit Idrizi, me bashkëpunëtorë kanë bërë homazhe në Kompleksin Memorial “Adem Jashari” në Prekaz, me rastin e 26-vjetorit të Epopesë së UÇK-së.
Pas homazheve, Idrizi, tha se ky kompleks është guri i themelit të shtetit të Kosovës.
“Po në këtë ditë në 26-vjetorin e rënies patëm nderin që kemi edhe të ftuar në zbulimin e shtatorëve të bacës Hamit dhe nënës Salë Jashari të cilat ia shtuan madhështinë dhe kuptimin këtij Kompleksi Memorial. Jemi sot këtu bashkë me Qeverinë Komunale dhe me përfaqësues të familjeve të dëshmorëve për të nderuar sakrificën sublime të familjes Jashari. Jemi këtu te vendi ku u vendos guri i themelit të shtetit të Kosovës”, tha ai.
