Albion Rrahmani pritet që shumë shpejtë të bëjë hapin e radhës në karrierën e tij. Ai mund të kalojë në kampionatin anglez të futbollit, Premier Ligë. Mediumi rumun “Fanatik” ka mësuar se Albion Rrahmani është në radarin e një skuadre angleze.
Sulmuesi i blerë për 600 mijë euro nga Rapid Bukureshit pati një impakt të madh te “Giulesti”, duke arritur të shënonte 13 gola në 15 ndeshjet e kampionatit që luajti te Rapidi, përcjellë KosovaPress.
“Fanatik” ka mësuar se Albion Rrahmani ka hyrë në radarin e një skuadre të top 5 Premier Ligës. Për sulmuesin kosovar interesim ka shprehur Aston Villa.
“Interesim i madh për Rrahmanin nga Aston Villa. Sipas burimeve tona, Aston Villa është interesuar për Rrahmanin”, shkruan mediumi rumun.
