Dogana e Kosovës: Nga 1 janari nuk mund të zhdoganohen veturat më të vjetra se viti 2014

Nga 1 janar 2024 nuk mund të zhdoganohen vetura më të vjetra se viti 2014.

Kështu ka bërë të ditur Dogana e Kosovës në një postim në Facebook.

Qeveria e Kosovës në vitin 2017 ka miratuar një ligj e cili thotë se “mjetet rrugore që importohen në Kosovë, nuk mund të jenë më të vjetra se 10 vjet”.

Mbështetësit e ligjit kanë thënë në atë kohë se veturat e vjetra e ndotin ambientin, kryesisht përmes lirimit më të madh të gazrave.