Drejtori i Klinikës Emergjente në QKUK, Naser Syla, dha detaje shtesë për gjendjen shëndetësore të të plagosurve nga të shtënat që ndodhën sot në Podujevë.
Ai tha se gjendja e të gjithëve është stabile, por e rëndë.
“Në Qendrën Emergjente janë sjellë katër pacientë me lëndime të rënda me armë zjarri. Disa prej tyre i kanë përfunduar ekzaminimet e nevojshme që janë emergjente. Gjendja e tyre është stabile, por është e rëndë. Njëri prej tyre u dërgua në sallën operative kurse tre të tjerë janë duke u ekzaminuar dhe trajtuar në Qendrën Emergjente”, tha ai para gazetarëve.
Syla shtoi se mosha e të katërve është mesatare.
