8.3 C
Pristina
E enjte, 22 Shkurt, 2024

BQK-ja publikoi 10 veprimet për tranzicionin nga “dinar në euro”

Përgatiti: Fatlum Jashari

Pak pasi nga Britania e Madhe, kryeministri Albin Kurti theksoi se komunitetit serb do t’i jepet kohë për tranzicion lidhur me çështjen e dinarit, Banka Qendrore njoftoi se kjo periudhë mund të zgjasë deri në tre muaj.

Krahas kësaj, BQK-ja kumtoi një listë prej dhjetë veprimesh me qëllim lehtësimin e zbatimit të rregullores për operacione me para të gatshme.

Krahas linjës telefonike pa pagesë, mes tjerash, plani parasheh lehtësime për hapjen e llogarive bankare në komunat me shumicë serbe, pezullim i tarifës për hapje të zyrave për institucionet financiare, shtim i prezencës me degë të reja banka e bankomatë, këmbimore, si dhe fushatë edukuese e informuese.

Gazetari nga Mitrovica e Veriut, Branislav Krstic, vlerëson se kryeministri e ka kuptuar se komuniteti serb nuk ishte i informuar sa duhet.

“Më duket se më mirë (për informim) do të ishte sikur kryeministri të ishte në disa kafe në Mitrovicë të Veriut, por kjo është strategjia dhe agjenda e tij”, tha Krstic.

Por, duke përmendur konferencën informuese të guvernatorit të BQK-së, Krstic tha se Beogradi dhe Lista Serbe po mbajnë në terr informativ komunitetin serb.

“Para gazetarëve të mediave të Kosovës në gjuhën serbe shumë saktë e ka sqaruar në cilin drejtim BQK-ja po insiston për integrimin financiar në shtetin tonë, por problemi është se ata pjesëtarë të mediave që kanë qenë atje nuk e kanë publiku atë mesazh nga z. Ismaili”, tha Krstic.

Edhe pse periudhën e deritanishme e vlerësoi të pamjaftueshme, gazetari Bekim Kabashi tha se, megjithëkëtë, problemi nuk qëndron te informimi, por te mënyra e se si do të hyjnë paratë nga Serbia në Kosovë.

“Në këtë rast konkret Banka Qendrore e Kosovës duhet të ketë një marrëveshje me Bankën e Serbisë, që ato të mund të transferohen përmes llogarive bankare. Normal urdhri jepet me dinar, por ato të dalin në llogari të qytetarëve me euro. Në këtë drejtim nuk kemi ndonjë hap pozitiv. Dhe ajo që pritet në ditët, javët në vijim, është që të ketë reagim të qytetarëve serbë dhe presion ndërkombëtar dhe të përfundoj me imponimin e një marrëveshje mes palëve”, tha Kabashi.

Krahas kritikave për mënyrën e zbatimit të rregullores së re të BQK-së, SHBA-ja dhe BE-ja i kanë kërkuar Kosovës hapësirë kohore për mundësimin e lehtë të tranzicionit dhe shmangien e tensioneve eventuale.

Klikoni KËTU për t’u bërë pjesë e kanalit zyrtar të ATVLIVE.TV në Viber.

Bëni Subscribe në kanalin zyrtar të ATV-së në YouTube – Kliko KËTU

LAJME TË TJERA

spot_img

PUBLIKUAR SË FUNDI

spot_imgspot_img
spot_img

LAJME TË TJERA