Bayern Munich blindon Harry Kane, anglezi firmos kontratë të re deri në vitin 2029

Bayern Munich ka siguruar vazhdimësinë e një prej lojtarëve më të rëndësishëm të skuadrës. Klubi bavarez ka zyrtarizuar rinovimin e kontratës me sulmuesin anglez, Harry Kane, i cili do të vazhdojë të jetë pjesë e gjigantit gjerman deri në vitin 2029.

Pas firmosjes së marrëveshjes së re, 33-vjeçari nuk e ka fshehur lumturinë për këtë vendim, duke shprehur dashurinë dhe respektin që ka krijuar për klubin, tifozët dhe ambientin në “Allianz Arena”. Ai gjithashtu ka vlerësuar punën e trajnerit Vincent Kompany, duke theksuar se ndihet krenar që do të vazhdojë këtë rrugëtim me Bayernin.

Ky rinovim vjen në një moment të artë për sulmuesin anglez, i cili pas paraqitjeve fantastike është shpërblyer edhe me çmimin prestigjioz të “Topit të Artë 2026”, duke arritur një nga sukseset më të mëdha individuale të karrierës së tij.

Sezoni 2026/27 ka qenë deri më tani spektakolar për Kane. Në 51 paraqitje në të gjitha garat, ai ka realizuar plot 61 gola dhe ka kontribuar me shtatë asistime, duke dëshmuar edhe një herë se mbetet një prej sulmuesve më vendimtarë në futbollin evropian.

Forma e tij mbresëlënëse po vazhdon edhe në edicionin aktual, ku në 14 ndeshje ka shënuar 10 gola dhe ka regjistruar tetë asistime.

Me këtë marrëveshje, Bayern Munich siguron shërbimet e golashënuesit anglez edhe për disa sezone të tjera, ndërsa Kane konfirmon se e ardhmja e tij mbetet në “Allianz Arena”.