Kalo te përmbajtja
Të fundit

Babai i Zhegrovës thumbon futbollistët e Kosovës

Nga Gazetar i verifikuar i ATV

Shto ATV në Google(hapet në dritare të re)

Ndaj

Ndani këtë artikull përmes

Ose kopjo linkun

Babai i Zhegrovës thumbon futbollistët e Kosovës

Lulzim Zhegrova, babai i futbollistit Edon Zhegrova, ka tërhequr vëmendjen me një postim në rrjetet sociale pas ndeshjes së fundit të Kosovës kundër Izraelit.

Ai ka publikuar një fotografi nga momenti i intonimit të himnit të Izraelit, ku shihen Veldin Hoxha, Mergim Vojvoda dhe Milot Rashica me kokën e ulur, ndërsa Edon Zhegrova qëndron me kokën lart.

Reklamë

Krahas fotografisë, Lulzim Zhegrova ka shkruar: “Kokën lart çdoherë”, duke shprehur kështu përgëzimin për djalin e tij.

Megjithatë, mesazhi i tij është interpretuar edhe si një kritikë indirekte ndaj futbollistëve të tjerë të Kosovës që shihen në fotografi me kokën e ulur. Pikërisht ky krahasim ka nxitur diskutime dhe reagime, duke e bërë postimin temë të vëmendjes në rrjetet sociale.

Duhet theksuar se fotografia dhe mesazhi nuk sqarojnë arsyen pse futbollistët e tjerë shihen në atë pozicion, ndërsa interpretimi i publikimit mbetet i hapur.

Ndryshe, Lulzim Zhegrova është i përfshirë edhe në politikë. Ai kishte kandiduar për deputet nga radhët e Lidhjes Demokratike të Kosovës (LDK), por nuk kishte arritur të siguronte votat e nevojshme për të fituar një ulëse në Kuvendin e Kosovës.

Postimi i tij ka rikthyer në vëmendje diskutimet rreth qëndrimit të futbollistëve gjatë intonimit të himnit të Izraelit, një çështje që ka marrë vëmendje edhe përtej aspektit sportiv.

Reklamë