Arjol Bllaca shpallet “Ylli i Javës” në Superligën e Kosovës
Arjol Bllaca po kalon momente të shkëlqyera me fanellën e SC Gjilanit. Talenti gjilanas është shpërblyer me çmimin “Ylli i Javës”, pasi u vlerësua futbollisti më i dalluar i xhiros së 13-të në Albi Mall Superligën e Kosovës.
Bllaca ishte protagonisti kryesor në fitoren spektakolare të Gjilanit ndaj FC Malishevës, me rezultat 3:2, ku la gjurmë të veçantë në suksesin e skuadrës së tij.
Reklamë
Sulmuesi zhvilloi një paraqitje mbresëlënëse, duke realizuar dy gola dhe duke dhuruar një asistim, kontribut që rezultoi vendimtar në triumfin e kuqebardhëve.
Çmimi tradicional “Ylli i Javës” ndahet nga Federata e Futbollit e Kosovës, në bashkëpunim me sponsorin zyrtar të kampionatit, Albi Mall, ndërsa përzgjedhja bëhet nga Komisioni i Veteranëve të Futbollit.
Me këtë vlerësim, Arjol Bllaca kurorëzon një paraqitje të jashtëzakonshme, duke konfirmuar rëndësinë e tij në repartin ofensiv të SC Gjilanit.
Reklamë
