Fitorja e Marokut ndaj Argjentinës me rezultat 2-1 në Lojërat Olimpike bëri bujë të madhe, por jo për shkak të rezultatit, por për shkak të asaj që ndodhi në fushë në minutat shtesë të ndeshjes.
Në fakt, Argjentina barazoi rezultatin në 2-2 në minutën e 16’ shtesë me golin e Medinas, moment ky kur tifozët marokenë sulmuan lojtarët e Argjentinës dhe pushtuan fushën gjë e cila detyroi gjyqtarin ta ndërpres ndeshjen, derisa goli po shqyrtohej nga VAR-i për pozicion jashtë loje.
Por, për shkak të trazirave nga tifozët, ndërprerja e ndeshjes zgjati për 90 minuta, kohë gjatë së cilës nuk erdhi as vendimi për golin nëse ishte pozicion jashtë loje apo jo, transmeton KosovaPress.
Kjo bëri që shumë njerëz të besonin se kishte marrë kaq shumë kohë për të marrë një vendim për golin.
Tani besohet se verifikimet nga gjyqtarët ishin bërë dhe do të kishin arritur në një përfundim menjëherë falë teknologjisë gjysmë të automatizuar offside dhe vendimi u vonua për shkak të frikës për probleme të mëtejshme të turmës.
Raportet nga ESPN sugjerojnë se gjyqtarët menduan se një vendim në ato momente vetëm sa do t’i hidhte benzinë zjarrit dhe mund të shkaktonte trazira edhe më të mëdha.
Loja rifilloi përfundimisht rreth orës 19:00 me orën lokale, në mënyrë efektive pas dyerve të mbyllura pas dy orësh.
