I vetmi trajner që Milani po mendon të zëvendësojë Stefano Piolin sezonin e ardhshëm është Antonio Conte.
Kishte sugjerime përpara pushimeve të Krishtlindjeve se Pioli ishte vërtet në prag të shkarkimit pas një serie rezultatesh të dobëta, përfshirë eliminimin nga Liga e Kampionëve.
Ai duket se i ka kthyer gjërat në javët e fundit, kështu që ka të ngjarë të qëndrojë deri në fund të sezonit, por e ardhmja mbetet e hapur.
Drejtori i mediumit Sportitalia, Michele Criscitiello, pretendon se i vetmi opsion real në karta për pronarin e Milanit, Gerry Cardinale, është Conte.
Ky do të ishte një rikthim i jashtëzakonshëm në anën tjetër të San Siros për njeriun që dha Scudetton më të fundit për rivalët e përhershëm të Milanit, Interin.
Conte shihet si alternativa e vetme e mundshme, pasi Roberto De Zerbi nuk duket i gatshëm të largohet nga Brighton, ndërsa Thiago Motta do të ishte shumë i rrezikshëm për t’u ngjitur nga Bologa te kuqezinjtë.
Paga e Contes do të ishte gjithashtu shumë më e lartë se ajo e pranuar nga Pioli.
Milani nuk është i vetmi klub në Serie A që ndjek Conten, pasi ai u afrua gjithashtu nga Napoli dhe refuzoi të pranonte rolin në mes të sezonit pas shkarkimit të Rudi Garcia, por është në listën e dëshirave të tyre për verën./atvlive.tv/
