Reperi kosovar Capital T, më 11 gusht do të mbajë koncertin e tij madhështor “Time Capsule II” në parkingun e Pallatit të Rinisë.
Pjesë e këtij koncerti do të jenë edhe artistët e njohur vendor dhe ndërkombëtarë.
Së fundmi, reperi ka zbuluar se pjesë e koncertit do të jetë edhe super ylli botëror, Akon i cili numëron një numër të madh hitesh.
Përpos faktit që është këngëtar i kalibrit botëror, Akon është një producent i shkëlqyer dhe filantrop i rrallë.
Veprimtaria e tij për zhvillimin e Afrikës jehon fort në rrethet e punës zhvillimore të vendeve të botës së tretë.
