Brenda një kohe relativisht të shkurtër, A Radio ka shënuar një sukses të jashtëzakonshëm duke regjistruar 4 milionë dëgjime vetëm në platformën Shkabaj, duke mos përfshirë platformat e tjera dhe valët e saj që mbulojnë një pjesë të madhe të Kosovës.
Kjo arritje shënon një moment të rëndësishëm për radion, duke tërhequr një audiencë të gjerë dhe duke e bërë A Radion një nga radiostacionet më të dëgjuara mbarë kombëtare.
A Radio, e cila është pjesë e grupit mediatik “Media Invest”, filloi transmetimin më 21 shkurt 2021 dhe që atëherë ka arritur të bëhet një nga stacionet më të preferuara të dëgjuesve shqiptarë.
Grupi mediatik “Media Invest”, pjesë e së cilës janë ATV dhe A Radio, funksionon mbi themelet e Kolegjit AAB, i cili nëpërmjet Fakultetit të Komunikimit Masiv dhe Gazetarisë̈, për me shumë se dy dekada me radhë, u ka dhënë mediave në Kosovë profesionistë të spikatur dhe të përkushtuar.
Për tri vite e gjysmë që nga themelimi, ATV vazhdon te jetë televizioni më i shikuar në Kosovë, ndërsa A Radio, një nga radiostacionet më të dëgjuara mbarë shqiptare.
