Qytetarët e Mitrovicës dhe Skenderajt, kishin mbetur pa ujë nga orët e mbrëmmjes të së shtunës, si shkak i mungesës së energjisë elektrike.
Por, furnizimi është rikthyer sërish sot, ka njoftuar ‘KRU Mitrovica’.
“Duke pasur parasysh mungesën e gjatë të ujit të pijes dhe zbrazjen e rrjetit të ujësjellësit, duhet të kemi parasysh se mbushja e rrjetit të ujësjellësit me ujë kërkon kohë prandaj ju lusim për durim pasi që uji në pjesët e larta do të arrijë më vonë”, thuhet në njoftimin e kësaj kompanie rajonale.
