Specialisti i biokimisë, Agron Kamberi, i ftuar në emisionin e mëngjesit “Alarm”, në ATV ka folur rreth analizave laboratorike, kur dhe sa shpesh duhet të kryhen ato.
Kamberi, tha se varësisht moshës së pacientit ndahen edhe analizat që duhet të kryhen, por ai theksoi se analizat preferohet të kryhen çdo gjashtë muaj dhe se pacienti këshillohet që të mos ushqehet së paku 12 orë, para se të kryej ndonjë analizë.
“Te fëmijët preferohen të kryhen analizat si hemogrami; pasqyra e gjakut dhe urina, etj. Analizat preferohet të bëhen çdo gjashtë muaj në kushte normale, pra nëse nuk ka ndonjë ankesë apo sëmundje. Në shumicën e rasteve preferohet që përafërsisht 12 orë mos të ushqehemi para se të kryejmë analizat, pra tw marrim ushqim me ma pak yndyrë, sheqerna etj. se kjo mund të ndikoj në rezultatet e analizave”, tha ai.
Tutje, ai shtoi se po ashtu varësisht nga lloji se çfarë analize kryhet, dallon edhe kohëzgjatja për marrjen e rezultateve.
“Një analizë varësisht p.sh. hemogrami për 2 min., urinë për 10 min., ndërsa analizat biokimike kërkojnë kohë më shumë. Pastaj ekzistojnë disa analiza që nuk kryhen në Kosovë dhe duhet të dërgohen jashtë vendit e rezultatet mund të vonojnë”, tha Kamberi.
Për më shumë ndiqni intervistën në videon e mëposhtme:
