Policia e Kosovës njoftoi se është arrestuar një person në Prizren pasi dyshohet se ia publikoi një vajze pa lejen e saj videot.
Në raportin 24-orësh të Policisë, thuhet se rasti ka ndodhur në Prizren më 9 shkurt dhe është iniciuar “Fotografimi dhe incizimet tjera të paautorizuara”.
“Rr. Haxhi Zeka, Prizren /09.02.2024. Është arrestuar i dyshuari kosovar për shkak se kishte publikuar video të viktimës femër kosovare pa lejen e saj. I dyshuari me urdhër të prokurorit është dërguar në mbajtje”, thuhet në njoftimin e Policisë.
