Kanë kaluar tetë vjet që kur James Corden u bë moderator i një nga emisioneve më të famshme , ‘’The Late Late Show’’, në CBS.
Ai njoftoi se kësaj eksperiencë i erdhi fundi duke thënë se ato tetë vjet ishin pjesa më e mirë e jetës së tij.
James theksoi se do t’i mungojnë miqtë të cilët I kishte njoftuar gjatë episodeve të ndryshme.
‘’Me të vërtetë duam që fëmijët tanë të përjetojnë jetën në Londër. Ka shumë gjëra të tjera për të cilat do të doja të provoja dhe të shihja se në çfarë mund të jem i aftë’’, deklaroi James.
Tutje zbuloi disa nga vështirësitë me të cilat kishte hasur për të bindur të famshëm për të marrë pjesë në Carpool Karaoke.
Ai kujtoi se si ekipi I tij kishte arritur të bindte këngëtaren Mariah Carey-n të pranonte, por se ajo para se të hipte në veturë I kishte thënë se do ta bëj vetëm intervistën dhe nuk do të këndonte.
“The Late Late Show” është një emision televiziv amerikan që kishte nisur transmetimin në vitin 1995 dhe në moderim atëherë ishte Thomas James Snyder.
Në vitin 2015 filloi të moderohej nga James Corden, aktor dhe komedian britanik.
Intervista me personalitete të ndryshme, skeçe dhe lojëra, performanca muzikore dhe humore të ndryshme bënë që ky të ishte një nga emisionet më të ndjekura në SHBA dhe të fitonte cmime prestigjioze duke përfshirë edhe disa Emmy./atvlive.tv./
