Një studim ka zbuluar nëse çiftet janë më të lumtur kur postojnë foto së bashku në rrjete sociale.
Ka foto të panumërta të çifteve në rrjetet sociale, shumica e të cilave kanë mbishkrime të ndryshme.
Çiftet fotografojnë njëri-tjetrin duke bërë gjëra emocionuese, duke udhëtuar së bashku ose thjesht duke u përqafuar – gjë që natyrisht na bën të krahasojmë. Gjithçka është shumë romantike dhe krejtësisht e mrekullueshme: por a mund të jenë këto paraqitje edhe mashtruese?
Janë anketuar rreth 2000 çifte nga mosha 18 deri në 50 vjeç.
Sipas studimit, çiftet që ndajnë tre ose më shumë foto çift të tyre në rrjetet sociale çdo javë thuhet se janë më pak të lumtur se ata që e mbajnë lidhjen e tyre private.
Vetëm 10 përqind e çifteve që ndajnë rregullisht foto të tyre e konsiderojnë veten shumë të lumtur në marrëdhënien e tyre. Gjërat duken krejtësisht ndryshe për çiftet që zbulojnë më pak për veten e tyre. Këtu, 46 për qind e konsiderojnë veten vërtet të lumtur.
Arsyet pse disa çifte vendosin të tregojnë më pak përfshijnë mbrojtjen e privatësisë së tyre dhe mbrojtjen e privatësisë së partnerit të tyre.
Ne nuk duhet t’i marrim shumë seriozisht mediat sociale, si për shëndetin tonë mendor ashtu edhe për marrëdhëniet tona. Instagram Facebooku, na japin frymëzim dhe mundësi për të shkëmbyer ide me të tjerët në të gjithë botën.
Në këtë mënyrë, ne mund të japim një pasqyrë të jetës sonë dhe, të paktën sipërfaqësisht, të zhytemi në jetën e të tjerëve. Por, e rëndësishmja është të fokusohemi që të kemi një marrëdhënië të lumtur në jetën reale dhe jo online.
Nëse përjetoni diçka të bukur së bashku, nuk ka asgjë të keqe ta ndani atë me të tjerët.
Megjithatë, jo gjithmonë duhet të jetë kështu. Krahasimi është padyshim një nga zakonet që na bën të ndjehemi të pakënaqur . Shkakton pritshmëri të rreme dhe të parealizueshme dhe, në rastin më të keq, mund të rëndojë dashurinë.
Sipas studiuesve , njerëzit që qëndrojnë me një lidhje jo fort të sigurtë, kërkojnë gjithnjë e më shumë vëmendje dhe vërtetim nga të tjerët dhe kanë një dëshirë më të madhe për tu parë nga të tjerët.
Në një studim të kryer nga studiuesit, 108 çifte studentë duhej të mbanin ditarë për marrëdhëniet e tyre për një periudhë prej dy javësh. Rezultati doli që më së shpeshti njerëzit që ndjehen më të pasigurtë në një lidhje, aq më shumë ai ose ajo kërkon të jetë publik përmes fotografive në rrjete sociale./ATVLIVE.TV/
Për më shumë ndiqni videon e mëposhtme:
