Shoqata e Shërbyesve Civilë të Komunës së Prishtinës ka paralajmëruar protestë.
Sipas tyre protesta do të mbahet me datë 19 të këtij muaji prej orës 10.
Ata kanë parashtruar disa kërkesa e që deri më tani nuk janë përfillur nga Komuna e Prishtinës, kurse disa prej kërkesave janë:
Nxjerrjen – Hartimin e Rregullores për Sistematizimin e Vendeve të Punës në administratën komunale,
Zbatimin e vendimeve të Këshillit të Pavarur Mbikëqyrës të Shërbimit Civil të Kosovës,
Zbatimin, ekzekutimin e akteve te Kuvendit te Komunës se Prishtinës, (vendimet për financimin e shujtave ditore për zyrtarë publik të Komunës së Prishtinës) nga Kryetari i Komunës se Prishtinës,
Sigurimin e kushteve më të mira në punë për zyrtarët publik për të punuar dhe vepruar sipas detyrës zyrtare (ndalimin e ndikimit në punë, detyrë zyrtare të stafit të pranuar si konsulent, ekspertë etj.) e kërkesa te tjera.
Në njoftim thuhet se protesta do të mbahet para objektit të vjetër të Komunës së Prishtinës.
