Kosova ka marr tri pikë të reja në kualifikimet për në Kampionatin Evropian pasi e ka mposhtur Izraelin në “Fadil Vokrri” me rezultat 1:0.
Golin që pati vlerën e tri pikëve e realizoi Milot Rashica në minutën e 42’.
Në pjesën e dytë, “Dardanët” ishin më të mirë në fushë duke kërkuar edhe golin e dytë, por tereni shumë i vështirë për shkak të reshjeve të shiut ishte pengesë e madhe në këtë drejtim.
Gjithsesi, deri në fund të ndeshjes rezultati mbeti i pandryshuar dhe Kosova doli me pikë të plota.
Me këtë fitore, “Dardanët” shkojnë në kuotën e 10 pikëve dhe renditen në vendin e katërt në Grupin I, vetëm një më pak se Izraeli që ka 11 pikë.
Lider i këtij grupi është Rumania me 16 pikë.
Dy ndeshjet e fundit të këtij grupi Kosova i zhvillon kundër Bjellorusisë dhe Zvicrës.
