Presidentja e Kosovës, Vjosa Osmani, po merr pjesë në “Bloomberg New Economy Forum”, ku është takuar me kryeministrin e Singaporit, Lee Hsien Loong, Ministrin e Tregtisë dhe Industrisë, Gan Kim Yong, si dhe udhëheqës të bizneseve më të fuqishme botërore, përcjellë atvlive.tv.
Lajmin e ka bërë të ditur vetë presidentja Osmani përmes një postimi në profilin e saj në facebook.
“Në Bloomberg New Economy Forum, kisha mundësinë të takohem me Kryeministrin e Singaporit, Lee Hsien Loong, Ministrin e Tregtisë dhe Industrisë, Gan Kim Yong, themeluesin e Bloomberg, Michael Bloomberg, si dhe me udhëheqës të bizneseve më të fuqishme botërore. Së bashku diskutuam për rëndësinë e bashkëpunimit ekonomik, si dhe për angazhimin e përbashkët për një të ardhme më inovative dhe të qëndrueshme”, ka shkruar Osmani.