Policia e Kosovës ka njoftuar se në Vërmicë të Prizrenit ka ndaluar 15 migrantë të cilët ishin futur ilegalisht nga Shqipëria në Kosovë.
Sipas raportit të Policisë, shtatë nga migrantët ishin nga Siria, katër nga Somalia, tre nga Eritrea dhe një nga Egjipti.
Bëhet e ditur se të njëjtit kanë deklaruar se në Kosovë janë futur nga tre persona të dyshuar me një furgon deri afër kufirit, dhe pastaj kanë vazhduar në këmbë.
“Lidhur me rastin janë ndërmarrë veprimet e nevojshme për procedura të mëtejme hetimore”, thuhet në raport.
